اول يوم درااااسى

الثانويه

كلمه حلمت بيها كتييييير جدا لانها كانت بتمثلى حريتى القادمه باذن الله

اقولكو ليه

اولا لان نرمين الى هيا ماماتى

كانت دايما وانا فى بذاكر الدكتورراه بتاعه الاعداديه تقولى على معظم الحاجات الى بطلبها منها الكلمه المعروفه طبعا

لالالالالالالالالالالالالالالالالالالالالالالالالالالالالالالا

وتقولى انتى لسه فى الاعداديه لما تدخلى الثانوى

وحاولت على اد ما اقدر انى اجيب مجموع يدخلنى الثانويه بس

.

.

.

.

.

.

.

.

.

دخلتها فى الاخر ويارتنى ما دخلتها

اينعم كنت خايفه من الخطوا دى مع العلم انى كنت خارجه من الاعداديه بمجموع جيد

بس برضو مهما تكون الحاجه تافهه اسمها فى الاخر مذاكره:(

وكنت بقول على الاعداديه صعبه تصدقوا

المهم دخلت الثانويه قسم فيزياء وجغرافيا وفلسفه:(

انا مش بقول كده عشان اصعب عليكوا ولا حاجه لا

ولا حتى عشان تدعولى دعوتين فى الشهر المفترج

ولا حتى تلاقولى شغل لو مجبتش مجموع

لالالالالالالالالالالالالالالالالالالالالا

خااالص

اوعى حد يفهمنى غلط انا بقولوكو اهو

المهم كنا فين

اه

دخلت الثانويا

وياليتنى ما دخلت الثانويا

اولا كل يوم شبه التانى

هحكيلكو على اول يوووم دراسى

المشهد الاول

صحيت الصبح بعد عنااااء طويل فى النوم بدرى

نينا:

بت يالينا قومى يا بت روحى المدرسه كل سنه وانتى طيبه المدراس بدات والتلفزيونات هتتقفل والكهربا هتقل قومى بقى يابت

:لينا الغلبانه

بس يا نينا سيبينى نايمه المدراس قفلت النهارده بكرا بكرا

:نينا وهيا متغاظه

....................قومى ياااا

:لينا

حاضر حاضر هقوم اهو لازم تشتمى يعنى سيبنى بس وانا جايه وراكى عالطوووووووووووووول

وطبعا كملت نوم

المهم من غير لك كتير قومت ودخلت اتوضا واغسل وشى عشان البس

دخلت لقيت ماما بتقولى كل سنه وانتى طيبه

فى عقل بالى كده قولت

هوا خير الدنيا كلها عماله تقول كل سنه وانتى طيبه ليه خير بكرا العيد

لبست وصليت الصبح وصحابى عدو عليا خدونى وروحنا المشنقه

ااااااقصد المدرسه

ارووح المدرسه واكتشف ان البنات والولاد مع بعض فى نفس الحوش

طبعا لانى بنت رقيقه وهاديه وبتتكسف

كفايه كده انتو عارفيين انا مش بحب اتكلم عن نفسى كتير

فجاه

لقيت ايديا تلجت فجاه وشعر راسى وقف كنت مكسوووووووووفه وخايفه شويه من وجود الولاد معانا وشويه من المرحله الجديده الى داخلاها

ولقيت صحابى كلهم بيقولولى مالك يابنتى مش تقلقى عادى يعنى

المهم عملنا الطابور ورحنا الفصل

والمفاجه انى الاقى الولاد داخلين الفصل فرحت وواقفه على الباب وزعقتلهم طبعاوقولتلهم

يا بهوات يا محترمين دا فصل بنااااااااااااااااااااااااااااااااااااات ومش ينفع تدخلوا فيه كده عيب عليكوا

فواحد يارب يحرقه رد بكل برود وقاللى

والله يا انسه دا فصل بنات وولاد مع بعض ابعدى بقى

وكنت هموت من الغيظ

دخلنا واتعرفنا مفيش ولا بنت اعرفها غير واحده وانا ما زلت مكسووفه طبعا بهزر

دخل اول مدرس وانا فى عقل بالى هوا انا اصتبحت بوش مين النهارده

استاذ عجيب تلاميذ اعجب وكلام غريييب وربنا معانا

وكل مدرس داخل يفرض شروطه علينا

انتو لازم تعملو وتسوا وقال الكلمه الى قضت على الفصل كلو

اوعوا تنسو

اعمااال السنه

تن تن تاااااااااااااااااااااااااااااااااااااااااااااااااااا

اعدنا نكلم بعض ونقول فين ايام 3 اعدادى كنا بنعمل كل حاجه من غير ذل كلمه اعمال السنه وكنا بنسيب المدرسه ونمشى فى الفسحه لما بيكون ورانا حصص فاضيه

يالا اهى ايام رااااااااااااااااااااحت:(

ربنا معانا

ودخل مدرس ورا مدرس ويقلولنا ال ايه كل تلميذ ليه حقوق واجبات ال يعنى هنترشح للرئاسه

واعد ير غى يرغى يرغى فى الواجبات والجرس ضرب ولا سمعنا اى حقووق

(يبقى انت اكيد اكيد فى مصر)

وخلصنا ورجعنا المدرسه طبعا نايمين هائمين

ورفعت الشراااع القومى

لا مدارس بعد اليوم

لقيت ماما بتقولى

والنبى دا يبقى اخر يوم فى عمرك

تحياتى

بنوته طالع عينهاا

يوميات مواطنه مصريه

النهارده الموضوع غريب شويه

هوه هيبقى عباره عن مسرحيه

هيه مش مسرحيه بالظبط بس هيه محادثه

سمعتها فى احد الاماكن

بسم الله

القصه ان واحد اتسرق منو موبيلو وكان غالى

فراح يدور على الحراميه دول

فشاف واحد واقف جمبه بشويه

فراح وقالو

..المظلوم

لو سمحت مشفتش الاتنين الى كانوا راكبين راكبين موتوسيكل راحوامنين

.الشاهد

لا والله يابنى انا مخدش بالى بس انته مالك هما دايقووك فى حاجه

.المظلوم

اه دول جم عليا وقالولى عايزين نعمل تلفون مهم دقيقه واحده بس ومجرد ماخدو الموبيل سرقوا وجريوا

.الشاهد

وبكل بساطه

معلش يابنى روح على بيتك خلاص الموبيل ضاع منك هتعمل ايه يعنى؟

طب هوا ليه رد كده وبكل بساطه يمكن يكون عشان اتعودنا اننا نستسلم على كل حاجه من غير حتى ما نتحرك ولو كنا كده فعلا

مين السبب فى كده؟

عزيمتنا الى راحت بسبب البحث عن العمل والعيش وتعبنا المتواصل

ولا حياتنا الى الشعب المصرى كلو اتعود عليها اننا نرضى بالموجود وبس

المهم

تابع المظلوم حديثه وقال بحزن ويأس

طب ابلغ البوليس اعمل محضر او اى حاجه

..الشاهد

وانته لما تبلغ البوليس هيعملولك ايه حتى لو اتعمل محضر

وهوه انته اصلا عارف شكلهم ايه او اي حاجه عنهم

وهيا الحكومه هتفضى لمين ولا لمين

طب ياترى قالوا كده عشان فقد الامل ان حقنا ممكن يرجعلنا

اومثلا عشان اتاكد ان مش هياخد لاحق ولا باطل على الشحططه زى ماقال

ولا يمكن عشان الحكومه فعلا مش فاضيه

.......وفى النهايه

قال الشاهد للمظلوم روح يابنى روح على بيتك وادعى وقول انك مش مسامح الى عمل كده

ودى نهايه قصتنا

ولو ركزتوا شويه هتلاقوا انها نهايه كل مصيبه بتحصل فى البلد

ان كل واحد يروح على بيتوا ويقول حسبى الله ونعم الوكيل

لان دا الى قدر عليه فى وسط اسود بتاكل فى بعض وهوه المواطن الى حقه ضاع زى النمل فى وسطيهم

زى العباره والظلم الى مش بقى موجود الا عندنا وبس

..........النهايه

ربنا يستر علينا وعلى حياتنا

امضاااااااء

مواطنه شقيه

طب اعمل ايه ؟؟؟؟؟؟؟؟

س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟

اول حلم

كنت بحلم انى اكون خبيره فى الاثار

ولوهعدل هقول انى مش عايزه خلاص

ثانى حلم

كنت بحلم وانا عندى 8 سنين انى اتجوز ابن عمتى حمادا

لانو كان ظابط وكنت بفتخر بيه اوى بس هوه دلوقتى عندوا طفليين فى ابتدائى

ههههههههههههههه

ثالث حلم

انى الف العالم كله ولغايه دلوقتى عايزه كده

رابع حلم

اانى اعيش لوحدى من غير ولا بابا ولا ماما دلوقتى مش عارفه

خامس حلم

انى اكون فى فرقه فرى بيبي للغنا كنت ببكى كتير اوى لماما بس لما كبرت بقيت بضحك على نفسى

س 2-أذكر 5 أحلام على الأقل تخص مستقبلك ؟

انى اكون احسن واحده فى عيلتى

انى اقرب من ربنا اكتر من دلوقتى

انى اكون مصممه ازياء

انى الف العالم

انى اعيش فى باريس

واهم حاجه انى اتعلم من اخطائي

أذكر شخصين على الأقل متواجدين في حياتك حاليا .. كنت

تود وجودهم قبل الآن بزمن ؟

هبه صحبتى الانتيم انسانه محترمه جدا وغيرت فيه كتير وكان نفسى كانت موجوده من زمان

والشخص التانى هما اشخاص بصراحه وهما المدونين صحابى كلهم

س 4-أذكر شخصين على الأقل غير متواجدين في حياتك حاليا .. كنت تود

وجودهم الآن أو في حياة أولادك مستقبلا ؟

اول شخص هوا جدتى مامت بابا سمعت عنها كتيير

وكان نفسى اوى انى اشوفها

والتانى

هيه كل شخصيه تاريخيه مشهوره درستها فى حياتى

زى الرسول صلى الله عليه وسلم طبعا

والى كان نفسى اشوفه برضه هوه

نابليون بونابرت

سمعت عن شدته مع جيشه واقواله الماثوره

زى مثلا كان بيقول لاحد المجندين

ان مفيش حاجه اسمها حب انا مكنتش بحب امى ولا ابى ولا اخواتى ولا اى حد فى حياى

دا فيما معناه يعنى

س 5-لمن تهدي هذا التاج ؟

لاريج السمر

وهكونا مطاطا

واسكندرانى

واخوانى حتى النخاع

والباقى اخونا حسن حنفى قام بالواجب وزياده

.........................................................................

التاج التانى

جالى من حسن حنفى برضو

ههههههه

سكر حسن ده

بس اعذرونى لو جاب اكتر من تاج واحد تانى هقتله

بس عشان محدش يطلب منى ديه

السؤال الاول

بدأت تدون من امتي ؟ و دخلت العالم ده ازاي ؟

من 9 شهور او اقل مامتى صحابه مدونه كلاكيت تانى وتانى هيه الى دلتنى على التدوين وقالتلى جربى مش هتخسرى حاجه

ايه كان انطباعك في البداية ؟

انو مكان للكبار فقط لان كان معظم المدونيين بيتكلموا فى السياسه وكلام مجعلص كده كان بيدخل فى الدماغ بالعافيه

مين اكتر واحد بتهتم بتعليقه علي بوستك الجديد ؟

كل المدونيين حتى لو قالوا البوست كان حلو وبس

ايه أهم حاجة اتعلمتها من عالم التدوين ؟

انى اقول رائىى بحريه

وان بلدى ليها حق كبيير عليا لازم اعمله

ايه أكتر حاجة كرهتها؟

ان في ناس بيستغلوه بطريقه سيئه جدا

حاسس ان التدوين له تأثير ؟

اه بالنسبالى اه كبير لاكن بالنسبه لغيرى مش عارفه

اه خلصت اخييييييييييييييييييييراااااااااااا

الصيف بدا

مستغربين من انى بقول ان الصيف بدا

مع اننا وصلنا لشهر 8

يمكن يكون بدا بالنسبالكو لكن ليا

لالالالالالالالالالالالالالالالا

لالالالالالالالالالا

لسه يومين ويبدا

لانى هسافر يوم الاربع مع اهلى

الى هما اصلا صحابى

وهروح اصيف زى بقيت الناس

والله وماليكو عليا حلفان

انى لولا دراستى ماكنت رجعت

بس يالا هعمل ايه

نصيب

والله هتوحشونى

جدا

باااااااااااااااااااااااااااااااى

ياهووووووووووووووووووووووووووووو

التاج

ال ايه جالى تاج

انا بجد فرحانه اوى مع انه صعب شويه

انى اذكر 16 صفه عن نفسى

بس انا هحاول

وانتو

اسمعونى

1

انا طيبه زياده عن اللزوم ودى بصراحه انا بعتبرها غلطه يمكن فى سنى حاجه كويسه لاكن بعد كده بيسموا الانسان الطيب الايام دى انو عبيط زياده عن اللزوم

2

انا عصبيه جدا البيت كلو بيقول كده وكمان بيقولوا انى وارثاها من مين الله اعلم كل واحد عارف نفسه

3

عنيده جدا وبصراحه بينى وبينكوا كده بحب عندى جدا

4

مش بحب الحال المايل اكيد فاهمين والانسان التافه ده بحتقره جدا وبحس انو مش لازم

يعيش لانى بعتبر ان لو الانسان مش ليه هدف عمره ما هيتحرك

وبستغرب جداا من الانسان التافه وعلى طول بسال نفسى ماشى بطريق

تفكيرازاى؟؟؟؟؟؟؟؟

5

بحب الافراح اووى مش عارفه ليه وبجد نفسى اعرف

6

بحب السفر اوى وحلم عمرى انى الف العالم كله لدرجه انى فكرت فى يوم من الايام انى اشتغل مضيفه طيران

7

بكره الحزن اووى ليه مش عارفه بس بحس ان الحزن وقت بنضيعه وفيه عاده وحشه جدا اتعلمتها قريب انى لو هموت من جوه منزلش دمعه قدام حد او ابين انى حزينه ابدا واخبى جوايا

8

فى الحاجات المهمه اوى فى حياتى سواء شخصيه او غير

بكون كتومه لابعد حدود

9

بفكر كتييير اوى وساعات من كتر التفكير بصدع ومش بقدر ابطل تفكيروخصوصا مستقبلى انا بفكر فيه معظم الوقت

10

بعيط بينى وبين نفسى كتير مره واحده صحبتى قالتلى انى ممكن ادخل موسوعه غينيس فى العياط لا وكمان اكسب

11

واثقه من نفسى جدا بس مش مغروره نهائى بس ثقتى بنفسى بس فى الحدود الى تخلينى اعرف اعيش مع البشر

12

بحب اى انسان بسرعه جدا وبنفس السرعه بكتشف انو انسان مش كويس

13

مش بحب التطفل وبتعصب جدا لما بلاقى حد بيدخل جوه حياتى من غير ما اسمح له بكده

14

بحاول على اد ما اقدر اعامل الناس زى ما بيعملونى

15

مش بتعلم من اخطائى ودى حاجه مش بفتخر بيها

16

مش بحب النصيحه ودى حاجه سيئه جدا وعلى اد ما اقدر بحاول اغيرها

شكرااااااااااااااااااااااااااااااااااااااااااااا

جدااااااااااااااااااااااااااااااااا

القرار الوزارى

قررت وزارتى

ان استانف الكتابه فى المدونه واعرض لكم اعمالى الخلابه والرائعه

عموما زى ما انتوا عارفيين انا مش بحب اتكلم عن نفسى كتير

بجد انتو فعلا وحشتونى وربنا يقدرنى

واقدر اتواصل معاكو احسن

من زمان

امضاء

البنوته الشقيه

الحياااااااااااااااااااااااااااااااااه

..... احساس مخيف جدا

..ان تكتشف موت لسانك

...عند حاجتك للكلام



,,ان تكتشف موت قلبك

,,,عند حاجتك للحب والحياه



,,,وتكتشف جفاف عينيك

,,عند حاجتك للبكاء



وتكتشف انك وحدك؛؛؛

كاغصان الخريف

عند حاجتك للاخريين؛؛