النهارده الموضوع غريب شويه
هوه هيبقى عباره عن مسرحيه
هيه مش مسرحيه بالظبط بس هيه محادثه
سمعتها فى احد الاماكن
بسم الله
القصه ان واحد اتسرق منو موبيلو وكان غالى
فراح يدور على الحراميه دول
فشاف واحد واقف جمبه بشويه
فراح وقالو
..المظلوم
لو سمحت مشفتش الاتنين الى كانوا راكبين راكبين موتوسيكل راحوامنين
.الشاهد
لا والله يابنى انا مخدش بالى بس انته مالك هما دايقووك فى حاجه
.المظلوم
اه دول جم عليا وقالولى عايزين نعمل تلفون مهم دقيقه واحده بس ومجرد ماخدو الموبيل سرقوا وجريوا
.الشاهد
وبكل بساطه
معلش يابنى روح على بيتك خلاص الموبيل ضاع منك هتعمل ايه يعنى؟
طب هوا ليه رد كده وبكل بساطه يمكن يكون عشان اتعودنا اننا نستسلم على كل حاجه من غير حتى ما نتحرك ولو كنا كده فعلا
مين السبب فى كده؟
عزيمتنا الى راحت بسبب البحث عن العمل والعيش وتعبنا المتواصل
ولا حياتنا الى الشعب المصرى كلو اتعود عليها اننا نرضى بالموجود وبس
المهم
تابع المظلوم حديثه وقال بحزن ويأس
طب ابلغ البوليس اعمل محضر او اى حاجه
..الشاهد
وانته لما تبلغ البوليس هيعملولك ايه حتى لو اتعمل محضر
وهوه انته اصلا عارف شكلهم ايه او اي حاجه عنهم
وهيا الحكومه هتفضى لمين ولا لمين
طب ياترى قالوا كده عشان فقد الامل ان حقنا ممكن يرجعلنا
اومثلا عشان اتاكد ان مش هياخد لاحق ولا باطل على الشحططه زى ماقال
ولا يمكن عشان الحكومه فعلا مش فاضيه
.......وفى النهايه
قال الشاهد للمظلوم روح يابنى روح على بيتك وادعى وقول انك مش مسامح الى عمل كده
ودى نهايه قصتنا
ولو ركزتوا شويه هتلاقوا انها نهايه كل مصيبه بتحصل فى البلد
ان كل واحد يروح على بيتوا ويقول حسبى الله ونعم الوكيل
لان دا الى قدر عليه فى وسط اسود بتاكل فى بعض وهوه المواطن الى حقه ضاع زى النمل فى وسطيهم
زى العباره والظلم الى مش بقى موجود الا عندنا وبس
..........النهايه
ربنا يستر علينا وعلى حياتنا
امضاااااااء
مواطنه شقيه
25 comments:
اول واحد
اول زيارة ليه هنا و ان شاء الله مش الاخيرة
اما بالنسبه للظلم و الظلمه
ياستى الشكوى لغير الله مذله
كل سنه و انتى طيبه
السلام عليكم
بجد بوست متميز جداااااااااا
اختيارك ليه جميل
بس هو فعلا هيعمل ايه اللى بيروح مبيرجعش
يقول حسبى الله ونعمى الوكيل
احسن ما يدوخ نفسه فى الفاضى
انا فاهماكى والله بس كل شىْ وليه ميزان
تحياتى
السلبيه داء الشعب المصرى وهى السبب فى اغلب كوارثنا من وجهه نظرى
البوست رائع وفكرته جديدة ورائعه
...
اول زيارة لمدونتك احيى حضرتك عليها
haa السلبية ربنا يخليهلنا
رمضان كرييم
اول زيارة ليا لمدونتك
لفت نظرى اوى اسمها
بجد مدونة رائعة
ربنا يكرمك ويبارك فيكى
تقبلى مرورى
البوست حلو جدا جدا
كل سنة وانتى طيبة
بصراحه مدونة مميزة وجميلة جدا
وبووست رائع جدا
وعندك حق في كل كلمة قولتيها
هو الشعب المصري كدا ومش هتغير
بالتوفيق دايما أن شاء الله
وكل سنة وأنتي طيبة
للاسف ده اللي بيحصل
كل واحد بيياس ويستسلم وسعات بيكسل
انه يحاول يجيب حقه
بوستك فكرني بحكاية حصلت معايا شخصيا انا كان معايا موبايل ب900جنيه كنت بصور بيه شغل المدونة وفي أحد المرات كنت بصور أخ نازل من النيابة لإنتمائه للجماعة إياها
وفجأة سرق موبايلي,الغريب اني انا اللي جريت من الحرامي والأغرب كمان انه اتصل بأختي وأخبرها أنه وجد موبايلي ويريد إرجاعه فأخبرته أختي بالاسم والعنوان وتم عمل حتة محضر زي الفل *هههه
أصل الحرامي كان ضابط شرطة
kafrawy
.........
فعلا عندك حق
شكرا لمرورك ويارب تشرفنا تانى
البنوته الشقيه
جوجو
..........
شكرا يا جميل
واكيد انتى فاهمانى لانك ببساطه مصريه ولا ايه؟
البنوته الشقيه
wael
.............
شكرا جدل لمرورك
تحياتى ليك
شاب اسكندرانى
رمضان كريم عليك وعلينا
البنوته الشقيه
ليه مسحتى البوست بتاع ألف لية وليلة ؟؟
مع إن المدونة متحذفتشى ؟؟!!!!
اختكم فى الله
شكرا جدا لزيارتك وياريت تتكرر تانى
تحباتى
البنوته الشقيه
مممممم
تعرفي
كتير قوي بفكر في حالنا وحالهم وليه هما تقدموا واحنا تخلفنا
بس مبلقاش غير الاجابة القاطعة
"ان الله يقيم دولة العدل ولو كانت كافرة "
دا الفرق بينا وبينهم
شكرا ليكي
سلام :)
ما شاء اله مدونة متميزة اختى تدل على شخصية مالكتها الرائعة
و شكرا لك على هذه المسرحية الجميلة
و تحيااااتى
رمضان
كريم
شفقه هانم واحسان بك
....................
شرفنى حضوركم
تحياتى
البنوته الشقيه
معلش يا يويو اتاخرتى فى الرد كتير فعلا انا اسفة
المسرحية ليه مغزى كبير اوى وهو اللى انتى اشرتى ليه فى الاخر
استسلامنا للاوضاع هو اساس كل مشاكلنا دلوقتى
تحياتى
ايمى
هو دا الشعب المصرى
دايما مكسور الاراده
بس نعمل ايه مفيش حل غير احنا نقول حسبى الله ونعم الوكيل
معاكي حق هي دي نهايه اي مشكله او اي حق بيضيع في بلدنا دي
ان الواحد يقول حسبي الله ونعم الوكيل
فعلا حسبي
الله
ونعم
الوكيييل
بحييكي علي البوست والمسرحيه اللذيذة دي
اللي رغم بساطتها ورغم انها رسمت علي وجهي الإبتسامه وصلتلي رسالة مهمة اووي
بجد بحييكي
دمتي سالمة
تقبلي مروري
أختك شيتوس
بجد السلبية وانكسار الارادة حاجتين مكنوش موجودين زمان في الشعب المصري بس ربنا يكرمه اللي ما يتسمي من ساعات مامسكها وهي باظت
بجد بهنيكي علي البوست الجميل ده وكل سنه وانتى طيبة ورمضان كريم
مش عارفة يا لينا أقولك إيه
سعيدة جدا إن مدونتك ماشاء الله كبرت
و اهتماماتك وضحت لينا أكتر
أسلوبك اتغير كتير
سامحيني لأني دلوقت بقيت تحت اسم مستعار
بس أنا هسيبك شوية يمكن تفتكريني لوحدك
: ))
كمان..عاجبني جدا البوست ده
لمستي منطقة واجعة قلوبنا كلنا
الله المستعان
كل سنة وإنتي جميلة
فيه تاج فى مدونتى يا ريت لو حضرتك تحليه
هذه تسمى انهزامية وسلبية واستسلامية
بس خساااااااااارة نكون كدا
بوست جميل جدااا
ومؤلم
Post a Comment